Amor in te meus cogit,  non ut praecipiam (neque enim praeceptore eges), admoneam tamen, ut, quae scis, teneas et observes aut scias melius.
        Cogita to missum in provinciam Achaiam, illam veram et meram Graeciam, in qua primum humanitas, litterae, etiam fruges ¹ inventae esse creduntur, missum ad ordinandum² statum liberarum civitatum, id est ad homines maxime homines, ad liberos maxime liberos, qui ius a natura datum virtute, meritis, amicitia, foedere denique et religione tenuerunt.
        Revere conditores deos et numina deorum, reverere gloriam veterem et hanc ipsam senectutem, quae in homine venerabilis, in urbibus sacra. Sit apud te³ honor antiquitati, sit ingentibus factis, sit fabulis quoque. Nihil ex cuiusquam dignitate, nihil ex libertate, nihil ex iactatione decerpseris. Habe ante oculos hanc esse⁴ terram, quae nobis miserit iura, quae leges non victis, sed petentibus dederit, Athenas esse, quas adeas, Lacedaemonem esse, quam regas; quibus reliquam umbram et residuum libertatis nomen eripere durum, ferum, barbarum est. Vides a medicis, quamquam in adverse valetudine nihil servi ac liberi differant, mollius tamen liberos clementiusque ⁵ tractari.
        Recordare, quid quaeque civitas fuerit, non ut despicias, quod esse desierit; absit superbia, asperitas. Nec timueris contemptum. An contemnitur, qui imperium, qui fasces habet, nisi humilis et sordidus, et qui se primus ipse contemnit? Male vim suam potestas aliorum contumeliis experitur, male terrore veneratio adquiritur, longeque valentior amor⁶ ad obtinendum, quod velis, quam timor. Nam timor abit, si recedes, manet amor: ac sicut ille in odium hic in reverentiam vertitur.
        Te vero etiam atque etiam (repetam enim) meminisse oportet officii tui titulum ac tibi ipsi interpretari, quale quantumque sit⁷ ordinare statum liberarum civitatum. Nam quid ordinatione civilius, quid liberate pretiosius⁸? Porro quam turpe, si ordinatio eversione,⁹  libertas sevitute mutetur!
        Accedit, quod tibi certamen est tecum. Onerat te quaesturae tuae fama, quam ex Bithynia optimam¹⁰ revexisti, onerat testimonium principis, onerat tribunatus, praetura atque haec ipsa legatio quasi praemium data. Quo magis nitendum est,¹¹  ne in longiqua provinicia quam¹² suburbana, ne inter servientes quam liberos, ne sorte quam iudico missus, ne rudis et incognitus quam exploratus probatusque humanior, melior, peritior ¹³  fuisse videaris, cum sit¹⁴  alioqui, ut saepe audisti, saepe legisti, multo deformius amittere quam non adsequi laudem.
        Haec velim credas, quod initio dixi scripsisse me admonentem, non praecipientem; quamquam praecipientem quoque.¹⁵   Quippe non vereor, in amore ne modum excesserim.¹⁶  Neque enim periculum est, ne sit nimium, quod esse maximum debet. Vale.
 
 
 
 
 
 

 Grammar Notes:

1. fruges: metonymy

2. ad ordinandum: for the sake of setting in order (Gerundive)

3. Sit apud te...sit ingentibus...sit fabulis: Hortatory Subjunctive

4. Esse...esse...esse...eripere: Indirect Discourse ( from 'habe')

5. mollius...clementiusque: Comparative adverbs

6. amor...quam timor: comparison; translate 'longeque valentior amor quam timor' as 'love is far more powerful than fear'

7. Sit: Indirect question

8. Nam quid ordinatione civilius, quid libertate pretiosius? : Supply 'est'

9. si ordinatio eversione, libertas servitute mutetur: 'if control is exchanged for destruction and liverty for slavery' (ablatives because of the verb mutare)

10. optimam: in apposition with quam

11. nitendum est: passive paraphrastic

12. quam...quam...quam...quam: comparison, translate as if magis quam, "rather than."

13. ...exploratus probatus humanior, melior...: supply a comma between 'probatus' and 'humanior'

14. cum sit: cum causal

15. scripsisse me admonentem, non praecipientem; quamquam praecipientem quoque: the participles are in apposition with me: 'I wrote as one advising, not as one teaching; although (I wrote) as one teaching also.'

          16. ne excesserim: Subjunctive of verbs of fearing